Gelnaglalakk getur verið frábær leið til að fá sterkar og fallegar neglur og handsnyrtingu sem endist í margar vikur. Hins vegar getur verið áskorun að fjarlægja það án þess að skemma náttúrulegu neglurnar.

Ef það er ekki gert rétt, geta neglurnar orðið þunnar og brothættar. Hér eru bestu aðferðirnar til að fjarlægja gelnaglalakk á öruggan hátt.

1. Acetone og álþynnur

Þetta er ein vinsælasta og áhrifaríkasta aðferðin til að fjarlægja gelnaglalakk:

Hvað þú þarft:

• 100% hreint acetone
• Removal Foils, álþynnur með bómullarskífu
• Naglaþjöl
• Naglapinni
• Naglabandaolía eða handáburður

Aðferð:

• Þjalaðu yfirborð naglalakksins – Notaðu grófa naglaþjöl til að fjarlægja glansinn af yfirborðinu. Þetta hjálpar acetoninu að komast betur að gelinu.
• Bleyttu bómullarskífuna á Removail Foil með acetone – Leggðu bómullarskífuna á nöglina og pakkaðu fingrinum þétt inn svo bómullin haldist á sínum stað.
• Bíddu í 10-15 mínútur – Gefðu acetoninu nægan tíma til að brjóta niður gelnaglalakkið.
• Fjarlægðu gelnaglalakkið varlega – Notaðu naglapinna til að skafa gelið af varlega. Ef eitthvað er eftir skaltu endurtaka ferlið í nokkrar mínútur til viðbótar.
• Þrífðu og nærðu neglurnar – Þvoðu hendur, notaðu jafnvel naglabursta og sápu á neglurnar og berðu á naglabandaolíu eða handáburð á neglurnar til að endurheimta raka.

2. Notaðu acetone bað

Ef þú vilt sleppa við álþynnurnar geturðu notað þessa aðferð:

Aðferð:

• Fylltu skál með acetone – Settu heitt vatn í aðra skál og settu aceton skálina til að halda acetoninu volgu (ekki hita það beint).
• Leggðu fingurna í bleyti í 10-15 mínútur – Gott er að smyrja naglaböndin með vaselíni til að vernda þau.
• Skafðu gelnaglalakkið af varlega – Eins og í fyrri aðferðinni.
• Þrífðu og nærðu neglurnar – Eins og í fyrri aðferðinni.

Hvað á ekki að gera

• Ekki rífa eða pilla af gelinu – Þetta getur fjarlægt efsta lag náttúrulegu naglanna.
• Ekki nota hefðbundinn naglalakkahreinsi – Hann inniheldur ekki nægilegt magn af acetone til að fjarlægja gelnaglalakk.
• Ekki gleyma að næra neglurnar eftir á – Acetone getur þurrkað neglurnar, svo mikilvægt er að bera á naglaolíu og rakakrem.