HVERNIG Á AÐ FJARLÆGJA GELLAKK?

Ef þú vilt fjarlægja gellakkið þitt ( og kemst ekki til naglafræðings/snyrtifræðings að láta fjarlægja lakkið), skoðaðu þá skrefin hér fyrir neðan.

Fyrst og fremst alls ekki plokka/rífa gellakkið af. Þegar þú plokkar gellakkið af þá ertu líka að taka efsta lagið af náttúrulegu nöglinni þinni og þar að leiðandi verður hún þynnri og viðkvæmari. 

Þegar kemur að því að fjarlægja gellakk, þá er okkar besta ráð að fara til naglafræðings/snyrtifræðings. Ef það er ekki valmöguleiki fyrir þig þá getur þú fylgt eftirfarandi skrefum: 

SKREF 1: FINNA TIL VÖRUR SEM ÞÚ ÞARFT

Lykillinn að því að fjarlægja gellakk á réttan hátt heima er að hafa réttar vörur. Þetta mun gera ferlið mun fljótlegra og auðveldara. 

Vörur sem þú þarft:

  • 100 grit naglaþjöl 
  • Naglabandaolíu eða handáburð
  • Bómullarhnoðrar (10-20 stk)
  • Álpappír (10 búta sem eru um 7-8 cm langir) 
  • Acetone (Best er að nota 100% hreint acetone, ekki naglalakkseyði)

SKREF 2: ÞJÖLUN

Efsta lagið af gellakkinu er þjalað niður, markmiðið er að fjarlægja glansinn á gellakkinu svo að acetoneið nái að leysa upp gellakkið. Farðu varlega með þjölina og alls ekki þjala í þína náttúrulegu nögl.

SKREF 3: VERNDAÐU HÚÐINA ÞÍNA

Að fjarlægja gellakkið krefst þess að láta acetone liggja á nöglunum, acetone er þurrkandi og því þarftu að vernda húðina í kringum neglurnar með t.d. naglabandaolíu eða handáburði.

Berðu olíu eða handáburð á naglaböndin og húðina í kringum neglurnar (ekki á gellakkið sem þú ert að fara leysa af). 

Gott er að vera dugleg/ur að nota naglabandaolíu næstu daga eftir að þú hefur fjarlægt gellakkið.

SKREF 4 & 5: LEYSA UPP GELLAKKIÐ

Það eru tvær leiðir sem þú getur gert í þessu skrefi: 

Fyrsta leiðin er að bleyta upp bómullarhnoðra með acetone. Setja síðan einn blautan bómullarhnoðra á hverja nögl og álpappír utan um til að halda honum á nöglinni. Leyfðu þessu að bíða í 10-15 mín. Gott er að leggja heitan þvottapoka utan um hendurnar/neglurnar til að acetonið leysi hraðar upp gellakkið. 

Önnur leiðin er að hella acetone í lítið fat og drekkja fingrunum í acetoninu í 10-15 mín. Til að gera ferlið enn hraðara mælum við með því að setja litla fatið með acetoninu í stæri skál með volgu vatni. Með því að hita upp acetonið mun það leysa hraðar upp gellakkið. 

STEP 6: FJARLÆGJA GELLAKKIÐ

Eftir 10-15 mín fjarlægðu álpappírinn og lyftu upp bómullarhnoðranum til að sjá hvort gellakkið sé að leysast upp. Gellakkið ætti að mestu að vera búið að leysast en það getur komið fyrir að það sé eitthvað enn fast. 

Ef þú getur ekki nuddað gellakkið af með blautum acetone bómullarhnoðra, þá geturu gripið í naglabandapinna til að lyfta varlega upp gellakkinu.

Ef gellakkið er ekki að losna frá þá mælum við með því að fylgja aftur skrefi 4 eða 5 í um 5-10 mín. Mundu bara að alls ekki plokka/rífa gellakkið af.

SKREF 7: RAKANÆRA HÚÐINA

Þegar þú hefur fjarlægt gellakkið, þá er kominn tími á að rakanæra húðina. Berðu á þig naglabandaolíu og handáburð, gott er að gera það 1-2x á dag næstu daga.

SKOÐA NÁNAR